Art

Көркемсурет бөлімі

Көркемсурет бөлімінің мақсаты: оқушылардың шығармашылық қабілеттерін дамыту, эстетикалық талғамын қалыптастыру, көркемдік ойлау мен бейнелеу дағдыларын жетілдіру. Бейнелеу өнерінің түрлері арқылы ұлттық және жалпыадамзаттық мәдени құңдылықтарға баулу, өнерге деген сүйіспеншілігін арттыру, өз ойын көркем тілмен жеткізе алатын тұлға тәрбиелеу. Оқушылардың көркемдік –шығармашылық қабілеттерін дамыту, бейнелеу өнеріне деген қызығушылығын арттыру, эстетикалық талғамын қалыптастыру және әртүрлі көркем техника мен материалдармен жұмыс істеу дағдыларын меңгерту. Сонымен қатар, оқушыларды ұлттық және әлемдік мәдени құртметтеуге, өнер арқылы өз ойын еркін жеткізе білуге тәрбиелеу.

Көркемсурет бөлімінің міндеттері:

1.Оқушыларды бейнелеу өнерінің негізгі түрлерімен (сурет, кескіндеме, композиция, мүсін, қолданбалы өнер) таныстыру және меңгерту. 

2.Шығармашылық ойлау, елестету, қиялдау қабілеттерін дамыту. 

3.Эстетикалық талғамын қалыптастырып, өнерге деген қызығушылық пен сүйіспеншілікке тәрбиелеу. 

4.Ұлттық мәдениет пен көркемдік мұраларды құрметтеуге баулу. 

5. Көркемдік техникаларды меңгерту арқылы оқушылардың қол еңбегін жетілдіру.

6.Түрлі көрмелер мен байқауларға қатыстыру арқылы шығармашылық белсенділігін арттыру. 

7.Кәсіби бағыт беру, өнер саласында білімін жалғастыруға негіз қалыптастыру.

 

Көркемсурет бөлімінде даярлық сыныптар (0а; 0ә; 0б, 0в, 0г) және  1, 2, 3, 4 сынып оқушыларынан құрылылған топтарға сабақ жүргізіледі. Жалпы оқу мерзімі – 4 жыл. 

Оқу жүктемесі

Даярлық сынып: 

- Сурет салу, мүсіндеу, сәндік қолданбалы өнер – аптасына 3 сағат (7–8–9 жас) 

- Сурет – аптасына 2 сағат (10–11 жас) 

- Композиция – аптасына 3 сағат (10–11 жас) 

- Мүсін – аптасына 2 сағат (10–11 жас) 

- Компьютерлік графика және дизайн – аптасына 1 сағат (7–8, 9–10, 10–11 жас) 

- Пленэр – 10 сағат (жазғы мезгілде бір апта, 7–8, 9–10, 10–11 жас) 

Негізгі сынып: 

- Сурет: 1–2 сынып – аптасына 3 сағат, 3–4 сынып – 4 сағат 

- Кескіндеме: 1–4 сынып – аптасына 3 сағат 

- Станоктық композиция: 1 сынып – 3 сағат, 2–4 сынып – 2 сағат 

- Қолданбалы композиция: 2–4 сынып – 1 сағат 

- Мүсін: 1–2, 4 сынып – 2 сағат, 3 сынып – 1 сағат 

- Бейнелеу өнері тарихы: 1–4 сынып – аптасына 1 сағат 

- Компьютерлік графика және дизайн: 1–4 сынып – аптасына 1 сағат

- Таңдау пәні: 3–4 сынып – аптасына 1 сағат

- Пленэр: 1–2–3 сынып – 22 сағат (жазғы мезгілде, бір апта) 

- Қорытынды емтиханға дайындық.

Апталық оқу сағаттары сабақ санына қарай есептеледі. Сабақ түрі – топтық. Сабақ ұзақтығы мектеп жарғысына сәйкес – 40 минут.

Бұл үйірмелерге 2-11 сыныптарының  (1,2 ауысым) балалары қатысады. Жыл басында көркемсурет бөліміне – 172 оқушы (барлығы 9 сынып, 5 даярлық топ 0а, 0ә, 0б, 0г, 0в; қалған сыныптар  1а; 2а; 3а; 4а) тіркелді.

Осы оқу жылында 13 түлек көркемсурет бөлімінің аяқтап  дипломдық жұмыстарын қорғап куәліктерін алды. Білім сапасы 100%.

Қосымша қыз балаларға арналған «Шебер қолдар» үйірмесі де жұмыс істейді. Топта 20 оқушы. Жетекшісі: Атауова Амина Беркиновна.

Көркемсурет бөлімінде 9 педагог сабақ береді.