Алпамысова Эльмира Алпамысовна
Директор
Сіздерді өз тілектеріңізді, пікірлеріңізді қалдырып, соңғы оқиғалар туралы біле алатын блогыма қош келдіңіздер!
Жаңалықтар
Білім
Бастауыш саты
Бастауыш саты – баланың саналы өмірге басқан алғашқы қадамы. Онда ұсақ-түйек деген болмайды, онда әр сөз, әрбір әрекет – ұстаз егетін ізгілік дәніне арналған құнарлы топырақ іспетті. Баланың қабілетін ашу, бірегейлігін тану, ішкі дүниесін түсіну, жанының тазалығын сақтау – алдымызға қойған және бізге үнемі шабыт беріп, алға жетелеп отыратын қиын да күрделі мақсатымыз.
Орта саты
Орта саты – баланың қалыптасуындағы негізгі кезең. Орта мектепте бала өзін, қабілет-қарымын, мүмкіндіктерін таниды, ары қарайғы даму жолын анықтайды. Осы кезеңде балаға терең академиялық білім беріп, әлеуметтік маңызды машықтарын қалыптастырып, тұлға қасиеттерін дамыту арқылы аяғын нық басып тұратын тұғыр ұсыну маңызды. Дәстүрлі ұғымдағы білім мен машықтарға қоса қазіргі оқушыларға әлеуметтік интеллект, қоршаған орта жөнінде сауат, ұлттық және жаһандық құндылықтар, өнімділік және кез келген әрекет түріндегі проактивтік керек. Біз әр оқушының барынша жан-жақты дамуына қауіпсіз ахуал және қолайлы орта қалыптастырамыз.
Жоғарғы саты
Жоғарғы саты – орта білім берудегі қорытынды, шешуші кезең. Ондағы оқушының басты мақсаты – мектептен кейін өзі қалаған жоғары оқу орнына түсе алу. Бұл кезеңде оқушылар бейіндік пәндерге ден қойып, өзінің тұлға ретіндегі ұмтылысын шыңдай түседі. Мектеп түлегі – өмір сүруге қажет білімдер, дағдылар мен қасиеттерді меңгерген, өз басына жауап бере алатын, ішкі мотивациясы мығым, XXI ғасырдың сын тегеуріне төтеп беруге және қоғамға сіңіп кетуге септігі тиетін айқын құндылық бағдары қалыптасқан тұлға.
Галерея
