Art

Жыл бойы қосымша білім беру педагогтары гимназияның даму жоспары бойынша түрлі іс шаралар өткізді, мысалы:

1-қыркүйек Білім күніне орай мектепті безендіру жұмыстары мен «Ұлттық өнер – ұрпаққа мұра» атты қолөнер көрмесі ұйымдастырылды.

7-қыркүйек 4 сынып оқушылары мен олардың аналарының қатысуымен  «Отбасылық шеберхана» атты шеберлік сағаты оздырылды.  «Асқабақ жасау» қолөнер шеберлік сабағы ұйымдастырлды. Бұл шара балалар мен ата-аналардың шығармашылық қабілеттерін дамытып қана қоймай, отбасы мен мектеп арасындағы байланысты нығайтуға бағытталған. 

Бірігіп жасаған қолөнер арқылы оқушылар асқабақтың қызықты пішіндерін жасап, оны түрлі түсті әшекейлермен безендірді. Шығармашылық атмосферада, олар тек жаңа дағдыларды меңгеріп қана қоймай, өздерінің қиялдарын еркін көрсетіп, отбасы мүшелерімен бірге уақыттарын пайдалы өткізді. 

Шығармашылықпен айналысу – дамудың кілті!

Осындай игі іс – шаралар алдағы уақытта да жалғасын табады. Оқушыларымыздың қуанышты жүздерін көру біз үшін үлкен мәртебе!

https://www.instagram.com/reel/C_qfk0-sJ0G/?igsh=NGE2ZXE4ZGp3dmJm

Қыркүйек айының екінші аптасы — отбасы күні! 7.09.2025. күні біздің гимназияда Отбасы күніне орай ұйымдастырылған қолөнер шеберлік сағаты өтті. «Дәстүрден тыс сурет салу техникасы» тақыбында сурет пәні мұғалімі Бекишева Шакизат Болатовна шеберлік сабақ көрсетті. Бұл ерекше іс — шарада 4 — сынып оқушылары аналарымен бірлесе отырып, шығармашылық қабілеттерін дамытып, өз қолдарымен керемет туындыоар жасады. Әрбір қатысушы ерекше көңіл күймен өз қолөнер бұйымдарын жасап, отбасылық құндылықтарды одвн әрі нығайта түсті. Мұндай шаралар балалар мен ата — аналардың арасындағы байланысты тереңдетуге, шығармашылық қабілеттерді дамытуға, әрі отбасылық жылылықты сақтауға зор ықпал етеді.

https://www.instagram.com/reel/C_qy0tdu6AK/?igsh=MWlpczdkeG9haG9lZw==

02.09-14.09 аралығында 3 сынып оқушылары арасында  «Отбасы — бақыт мекені» сурет көрмесі өтті. Балалардың отбасы мүшелерін ерекше жылулықпен, сүйіспеншілікпен бейнелеуі — өте әсерлі. Олардың суреттері арқылы отбасына деген махаббаты, қуанышы сезілген шығар. Кейбір оқушылар ерекше бояулармен немесе қызықты композициялармен көзге түсті. Мұндай шаралар отбасы құндылықтарын насихаттауға үлкен үлес қосады.

27.09.2024. Мектеп басшыларының семинары «Мектептегі білім сапасын басқару: стратегиядан практикаға». Семинардың мақсаты: тұрақты білім беру нәтижелеріне менеджменттегі құзыреттерін дамыту. Семинарда көркемсурет бөлімі оқушыларының жұмыстарынан көрме ұйымдастырылды. Көркемсурет бөлімінің мұғалімдері Атауова Амина Беркиновна мен Кажгалиева Надия Сагитовна «Роза» түйреуішін жасаудан шеберлік сабағын берді. Бұл сабақты өткізу арқылы олар оқушыларға жаңа дағдылар мен техникаларды үйретіп, қолөнерге деген қызығушылықты арттыратын атап өтті. Шеберлік сабағында қатысушылар түйреуіш жасау процесін қадам-қадаммен меңгеріп, өз қолдарымен ерекше және әдемі туындылар жасады. Мұндай іс-шаралар мектептің шығармашылық дамуын және оқушылардың өз-өзін көрсету мүмкіндіктерін кеңейтеді. Семинардың қорытындысы бойынша, мектеп басшылары мен мұғалімдер білім беру сапасын басқарудағы жаңа тәсілдер мен әдістерді өз тәжірибелерінде тиімді қолдануға дайын болды.

https://www.instagram.com/reel/DAZHJyWx5G8/?igsh=anVkczlpMmZrNW8=

1.10.2024. «Ұстаздар- ұлы тұлғалар!» атты шара Ұстаздар күніне орай мектепті безендіру жұмыстарымен оқушылардың шығармашылық жұмыстарынан көрме ұйымдастырылды. Мұндай шаралар ұстаздарға деген құрметті арттырып, олардың еңбегін бағалауға үлкен үлес қосады.

1-31 қазан аралығында  1-2 сыныптар арасында «Күзгі асар» жәрменкесі ұйымдастырылды. Балалардың жемістер мен көкөністерден жасаған бұйымдары ерекше шығармашылықты талап етеді. Бірнеше ерекше қызықты туындылар болды. Мысалы, жануарлар, ертегі кейіпкерлері немесе басқа да ерекше бейнелер жасалды. Мұндай шаралар оқушылардың ұйымшылдығын арттырып, еңбекке баулуға жақсы мүмкіндік.

25 қазан Республика күніне орай оқушылардың шығармашылық жұмыстарынан көрме ұйымдастырылды. 

2024 жылғы 1 қарашада күзгі каникул кезінде Көркемсурет бөлімінің оқушылары мен мұғалімдері Качурина С.Н., Ижанова А.К., Хихлухина Е.В. Е.Пугачевтің тарихи музей көрмесіне барды. Оқушылар біздің қаланың тарихы туралы көптеген пайдалы мәліметтер алып, сол кезеңмен танысты. Музей экспозициясы Пугачев көтерілісімен және оның өмірімен байланысты көптеген артефакттарды ұсынды. Оқушылар оның шаруалар құқықтары үшін күрескенін және халық наразылығының символына айналғанын білді. Сонымен қатар, оның жеке заттары мен құжаттарына ерекше көңіл бөлініп, бұл Пугачевтің тұлғасын және мотивациясын жақсырақ түсінуге мүмкіндік берді.

https://www.instagram.com/reel/DB5dkwzorJW/?igsh=cDhhemFlM3Vva3Nj

2024 жылғы 1 қарашада Көркемсурет бөлімінің мұғалімі Шакизат Булатовна Бекишеваның «Лаванда алаңы» тақырыбындағы шеберлік сыныбы өтті, қатысушылар гимназия мұғалімдері болды. Шеберлік сыныбының мақсаты — кескіндеменің аралас техникасымен танысу. Шеберлік сыныбында шығармашылық атмосфера мен тыныштық орнады. Қатысушылар өздерінің шығармашылық қабілеттерін және креативтілігін көрсетті.

https://www.instagram.com/reel/DB5ff8MI6U9/?igsh=Y2IwcjRsbnNrNXhj

2024 жылғы 2 қарашада сурет мектебінің оқушылары педагог Н.С. Кажгалиеваның жетекшілігімен А.Н. Островский атындағы драма театрына барып, Ақтөбе қаласындағы «Талисман» би және музыка театрының «Алтын кілт немесе Буратиноның aventures» атты ертегі-мюзиклін тамашалады. 

Балалар-актерлердің керемет ойыны, олардың билері мен әндері оқушылар мен ата-аналарға үлкен әсер қалдырды.

https://www.instagram.com/reel/DB6ebppoc0R/?igsh=MWttZ2xtb2l1b3BkZg==

«Шебер колдар» үйірмесінің жетекшісі Атауова Амина Беркиновна үйірмеге қатысушы өнерлі кыздармен «Сыр сандық» атты Аяулы Жамелова мен Арай Ешнияздың, шығармашылық көрмесінің ашылуына барып тамашалады. Ұлттық бағыттағы керемет туындылар мен гобелен мен кескіндеме өнерінің, шеберлерімен танысты. Көрмеде өңіріміздің дизайнерлерінің киім үлгісінен дефиле керсетілді. Шығармашылык, көрме оқушыларға өте ұнады, олар көрмедегі жұмыстардан шабыт алды.

https://www.instagram.com/reel/DB6ecSOohO4/?igsh=MWk4dzJmd3NkdzVzdg==

22 қараша «Талаптан да білім мен өнер үйрен!» тақырыбындағы ашық есік күнінде Көркемсурет бөлімінің мұғалімі Атауова Амина Беркиновна келген қонақтарға «Раушан гүлі» түйреуішін жасаудан шеберлік сабақ берді. Оқушылардың шығармашылық жұмыстарынан көрме ұйымдастырылды. Шебер оқушыларымыз келген қонақтарға өздері қолөнер түрлерінен түрлі шеберлік сабақтар көрсетті.

2024 жылғы 26 қарашада Гимназия эстетикалық бағытының мұғалімдері А.К. Ижанова және Ш.Б. Бекишева Көркемсурет бөлімінің 3 — 4 сынып оқушыларымен бірге Орал қаласындағы Виктор Адольфович Гофман — Котельниковтың 100 жылдық мерейтойына орай ұйымдастырылған көрмесіне барды. Көрмеде «Ескі Оралдың жүздері» тақырыбындағы туындылар ұсынылды. Шығармашылық көрмеге концерттік бағдарлама, музыка және әйгілі суретшінің оқушыларының өнерлері де қосылды. Олар С. Гумаров атындағы көркемсурет мектебінің тарихы туралы баяндап берді. Көрмеде суретші Виктор Адольфович Гофман — Котельниковтың еңбектері ұсынылды. Кеш оқушылар үшін қызықты әрі танымдық болды. Оқушылар сол уақыттың тарихы мен тұрмысын суреттер арқылы көріп, өнердің жаңа бағыттарын ашып, өздеріне шабыт алды. Қаламыздың танымал суретшілерінен туындылар көріп, үлкен әсер алды. 

https://www.instagram.com/reel/DC69B-gInL1/?igsh=YmNxN205MHIzeGFx

2024 жылдың 5 — желтоқсанында «Атамекен» өнер ордасында Гимназияның 30 жылдық мерейтойы — үлкен тарихи сәт өтті.  Оқушылардың шығармашылық көрмесінде әр түрлі бағытта жұмыстар қойылды. Атап айтсақ, кескіндеме, графика, мүсін, сәндік қолданбалы өнер, батик, тоқыма бұйымдары т.б. Суреттер, қолдан жасалған бұйымдар әр түрлі жанрлар мен тақырыпта 200 ден астам жұмыс болды. Көрмені Көркемсурет бөлінің соңғы курс оқушылар Ералы мен Мадина және алғашқы түлегіміз Ақерке қонақтарға таныстырды. Мұндай шаралар мектеп тарихын дәріптеп, оқушылардың талантын танытуға үлкен мүмкіндік деп білеміз. 

Көрме ұйымдастыру арқылы мектеп оқушыларының өнерге деген қызығушылығы мен қабілеттері ашылып, оларды қолдау көрсету мақсатында ерекше мүмкіндік жасалды. Әрбір туындының артында оқушылардың шығармашылық ізденістері мен еңбекқорлығы көрініс тапты, бұл олардың тұлғалық дамуына да оң ықпал етті.

Мерей тойы аясында өткен бұл көрме гимназияның тек білім саласындағы емес, мәдени және шығармашылық бағыттағы да жетістіктерін көрсетті. Мерейтойдың шеңберінде оқушылар мен ұстаздар бірлесе отырып, мектептің 30 жылдық тарихын мақтанышпен еске алып, болашаққа деген үміттерін білдірді.

https://www.instagram.com/reel/DDm9jcgII0c/?igsh=Mmlsc3V5ZWQ5Y2k5

16 — желтоқсан Тәуелсіздік күніне орай «Тәелсіздік — тұғырым» оқушылардың шығармашылық жұмыстарынан көрме ұйымдастырылды. Көрмеде кескіндеме және сәндік қолданбалы бұйымдар ұсынылды. Мақсаты: жас ұрпақтың елге, тәуелсіздікке деген сүйіспеншілігін арттырады. 

Жаңа жылға Көркемсурет бөлімінің мұғалімдері мен қатысушылары мектепті безендірді. 5 сынып оқушылары шыршаға арналған ойыншықтар жасаса, жоғары сынып оқушылары фотозонаны безендірді.

Көркемсурет бөлімінің 2024-2025 оқу жылының ІІ-жартыжылдық жұмысы

16 қаңтар «Жаңа толқын» желілік қауымдастығы мектептерінің 7-сынып оқушылары арасында «Қыс ғажайыптары ертегі әлемінде» коллаж байқауының іріктеу кезеңі ұйымдастырылды. Жүлделі орын алған оқушылар қалалық кезеңге жолдама алды.

І-орын  — Бобровникова София (ЭБГ, 7 а сынып) (жетекшісі: Хихлухина Елена Владимировна) Бокен Айару (ЭБГ, 7а сынып) (жетекшісі: Кажгалиева Надия Сагитовна)

ІІ-орын — Шагатаева Ясмин (№28 МЛ, 7 а сынып) (жетекшісі: Дюсегалиева Алия Бакитжановна), Тілеш Гүлнұр (№4 ҚББМО, 7 а сынып) (жетекшісі: Исниязова Айгуль Ержановна) 

ІІІ-орын — Салыков Нұрасыл (№5 ЖОББМ, 7 в сынып) (жетекшісі: Хабибуллина Надежда Тулепкалиевна), Ғабдырахим Анель (№4 ҚББМО, 7 сынып) (жетекшісі: Исниязова Айгуль Ержановна)

Алғыс хат — Самиғолла Әдемі (№40 ЖОББМ, 7 сынып), (жетекшісі: Кульжанова Гульназ Нариковна)

17-кантар куні «Біртұтас тәрбие» бағдарламасын жузеге асыру мақсатында «Еңбегі адал — жас ерен» жобасы негізінде «Cooking club» клуб жетекшілері Атауова А.Б мен Хихлухина Е.В. 7 сыныптар арасында «Жас аспазшы — 2025» байкауын ұйымдастырды. Мақсаты: білім алушылардың әртүрлі мамандыққа деген қызығушылығын арттыру және еңбекқорлық идеясы арқылы құндылықтарды дәріптеу. Байқау 4 кезең бойынша өткізілді. Оқушылар қызығушылықпен белсене қатысты. Өз кезегінде әділқазы алқалары қатысушылардың, жауаптары жәнедайындаған тағамдарына қарай бағалады. Қорытынды натиже бойынша:

Бас жулде — 7г сынып оқушысы Рахматалиев Альрамин

1-орын – 7ә сыынп оқушысы Дүйсекенова Аянат

7г сынып оқушысы Борашева Радия

2-орын — 7а сынып оқушысы Казбекова Малика

7б сынып оқушысы Хабиева Аяулым

3-орын — 7в сынып оқушысы Исагалиева Айша

7д сынып оқушысы Тажгалиева Асия

https://www.instagram.com/reel/DFHbWhQIi_R/?igsh=MXhtdnQ4cHF5Nmp2

24-26 қаңтар күндері көркем сурет бөлімінің мұғалімі Бекишева Шакизат республикалық «Текемет ART» фестиваліне 2в сынып оқушысы Хисаметдинова Жанельмен қатысты. «Тамбур тігіс техникасы» тақырыбында шеберлік сабағын өткізді, ал 2″В» сынып оқушысы «Киіз басу техникасы» бойынша шеберлік сағатын көрсетті. 

Фестиваль Жетісу, Ақтау, Атырау, Маңғыстау, Павлодар сынды жақын облыстардың шеберлерімен танысуға мүмкіндік берді. Әрбір шебер өз қолөнерін көрсетіп, өзгелерді үйретуге тырысты. Фестиваль соңында Алғыс хатпен марапатталды.

https://www.instagram.com/reel/DFXaerUIFD4/?igsh=bGJ0Y3R4dDkzdzQ0 

28-қаңтар күні ҚББ педагогы Бекишева Шакизат 0Б даярлық сыныбына мүсіндеу пәнінен «Пластилиновая живопись» тақырыбында ашық сабақ берді. Сабақ барысында оқушыларға ермексазбен жұмыс жасаудың ерекшеліктері мен қыр-сырлары туралы толық мәлімет берілді. Мұғалім ермексаздың икемділігі мен түрлі формада бейнелеуге мүмкіндік беретін қасиеттерін түсіндіріп, оның дайындалуы мен қолдану тәсілдері туралы да айта кетті. Сонымен қатар, қажетті құрал-жабдықтар мен материалдармен таныстырып, әртүрлі құралдарды дұрыс пайдалану жолдарын көрсетіп өтті. Оқушылар сабаққа үлкен қызығушылық танытып, белсенді түрде өз жұмыстарын жасады. Олар ермексазды қолдану арқылы бейнелеу өнерінің жаңа түрімен танысып, өз шығармашылықтарын көрсетуге мүмкіндік алды. Сабақ барысында оқушылардың идеялары мен шығармашылық қабілеттері ерекше байқалды, олар мұғалімнің көрсеткен әдістемелерімен жұмыс істеуді қызығушылықпен үйреніп, түрлі түстер мен пішіндермен пластилин арқылы әдемі картина жасауға тырысты.Бұл сабақтың нәтижесінде оқушылар мүсіндеу өнерін жаңа қырынан танып, шығармашылық қабілеттерін дамытуға ықпал етті.

12-ақпан күні 4-сынып оқушылары арасында «Қыс кереметі» сурет байқауының «Жаңа толқын» желілік қауымдастықтың мектептері арасында іріктеу өтті. 

Қатысқан мектептер: № 4, 32, 40, 44, 45, 51, 33, ЭБГ, Жайық дарыны, Круглоозерный мектебі 

І-орын – Акылбекова Латифа (Эстетикалық бағыттағы гимназия, 4 сынып

ІІ-орын – Самат Сезім (№4 ҚББМО, 4 сынып)

Киматова Дана (№44 ЖОББМ, 4 сынып)

ІІІ-орын – Ислямова Айару (№33 мектеп, 4 сынып)

Ғабдырахим Анель (№4 мектеп, 7 сынып)

Алғыс хат – Мақсутқызы Айлин (Круглоозерный мектебі, 4 сынып)

Сағи Бексұлтан (№51 мектеп, 4 сынып)

Карева Тансия (№32 мектеп, 4 сынып)

Еслямова Айша (№40 мектеп, 4 сынып)

Муратханова Рамина (№45 мектеп, 4 сынып)

4 — сынып оқушылары арасында «Қыс кереметі» сурет байқауының «Жаңа толқын» желілік қауымдастықтың мектептері арасында өткен іріктеуінде 1 — 2 — 3 орын алған оқушылар қалалық кезеңге жолдама алды. Қалалық кезеңде Ақылбек Латифа 2 — орынға ие болды.

13-ақпан күні қалалық 6-сыныптар арасында «Қыс қызықтары» сурет байқауында 6ә сынып оқушысы Аманжол Дария 1-орынға ие болды. Жетекшісі: Атауова Амина Беркиновна. 

26-ақпан күні Бекишева Шакизат 0Г даярлық тобына сәндік қолданбалы өнер пәнінен «Тюбетейка» тақырыбында ашық сабақ берді. Шеңбер ішіндегі өсімдік тектес қарапайым ою-өрнекке аппликация жасау. Шеңбер ішіндегі ою-өрнек аппликациясын орындау ерекшеліктері мен  өсімдік тектес ою-өрнектерін стильдеу ұғымы туралы түсінік берді. 

Сабақтың мақсаты: Оқушыларды ұлттық өнердегі дәстүрлі өсімдік тектес ою-өрнектермен таныстыру, аппликациямен жұмыс істеу дағдыларын дамыту, шығармашылық ойлау қабілеті мен ұқыптылыққа тәрбиелеу. Тақияның тарихымен, түрлерімен және ерекшеліктерімен таныстырды. Тігуде және кестелеуде қолданылатын материалдар мен технологиялар жайында түсінік берді. Сарамандық жұмыс кезінде бұйымды безендіру арқылы шығармашылық қиялды дамыта отырып қол моторикасын дамытуға түрлі тапсырмалар берді. Оқушылар қызығушылықпен орындады. Сабақ өз мақсатына жетті. 

Көркемсурет бөлімінің оқытушылары мен қатысушылары Наурыз айындағы мерекелерге арнап мектепті безендіру жұмыстарын атқарды. Олар мектептің әртүрлі бөліктерін ұлттық нақышта безендіріп, әртүрлі қолөнер бұйымдарын жасап, қазақ халқының дәстүрлерін көрсететін көркем жұмыстарды орналастырды. Мұндай шаралар оқушылар мен мұғалімдер арасында Наурыз мерекесінің маңыздылығын түсінуге және ұлттық мәдениетке деген сүйіспеншілікті арттыруға септігін тигізді. Мектептің дәліздерінде қазақтың ұлттық ою-өрнектерімен жасалған паннолар, киіз үй макеттері, асық ойындарының бейнелері мен қазақтың ұлттық тағамдарын бейнелейтін суреттер қойылды. Сонымен қатар, көркемсурет бөлімінің оқытушылары мен қатысушылары 8-Наурыз мерекесіне, 22-Наурыз Ұлыстың ұлы күніне арнап арнайы сурет көрмесін ұйымдастырды, онда әр түрлі жұмыстар мен шығармашылық туындылар ұсынылды. Мерекелік көрме оқушылар мен ата-аналар, сондай-ақ мектеп қонақтары тарапынан жоғары бағаланып, қатысушыларға ұлттық мерекенің шынайы рухын сезінуге мүмкіндік берді.

https://www.instagram.com/reel/DHbWcsySGrU/?igsh=Z3p5bGFubXdvenNn 

6-наурыз күні 7-8-сынып оқушылары арасында «Қамшы өру» «Ұршық иіру» қолөнер байқауының «Жаңа толқын» желілік қауымдастықтың мектептері арасында іріктеу кезеңі өтті. Қатысқан мектептер: №5, 45, ЭБГ Барлық қатысушылар қалалық кезеңге жолдама алды. «Ұршық иіру» байқауында қалалық кезеңге қатысқан 8Г сынып оқушысы Марат Ділназ ерекше өнері мен шеберлігімен көзге түсті. Ділназ байқаудың қалалық кезеңінде Алғыс хатқа ие болып, мектеп атынан зор мақтанышпен марапатталды. Бұл жетістігі оның ұлттық мәдениетке деген сүйіспеншілігін, талпынысы мен еңбегін көрсетеді. Жетекшісі: Атауова Амина Беркиновна. 

20 – наурыз күні  «Наурыз мейрамында» гимназияның ұстаздары мен қызметкерлері арасында «Ұршық иіруден» сайыс оздырылды. Сайысқа 5 қатысушы қатысты. Бұл қызықты әрі ерекше шара Наурыз мерекесінің ұлттық дәстүрлерін насихаттау мақсатында өткізілді. Сайысқа барлығы 5 қатысушы қатысты, олардың әрқайсысы ұршық иіруде шеберліктерін сынап, жеңіске жетуге тырысты. Қатысушылардың әрқайсысы өз мүмкіндіктерін көрсетіп, ұршықты дәл әрі тез айналдыру үшін бар күштерін салды. Сайыс өте тартысты өтті, әр сәтте қатысушылардың шеберлігі мен шыдамдылығы сынға түсті. Көрермендер де сайысқа белсене қатысып, қатысушыларға қолдау көрсетіп отырды. Жеңімпаздар марапатталып, оларға Наурыз мерекесіне арналған сыйлықтар табыс етілді. Бұл сайыс ұстаздар мен қызметкерлер арасында көңілді әрі достық қарым-қатынасты нығайтып, ұлттық дәстүрлерді құрметтеудің маңыздылығын тағы да көрсетті. Қорытынды нәтиже бойынша:

1-орын – Ислямова Ботагоз Шагиевна 

                 Алманбетова Нургуль Бахитовна 

2-орын – Андирова Жумагул Чкаловна

               Саратаева Гульнар Каиржановна 

3-орын Илиясова Нұргүл Сериковна 

https://www.instagram.com/reel/DHbWcsySGrU/?igsh=Z3p5bGFubXdvenNn

2025 жылдың 27-наурыз күні Көркемөнер бөлімінің 0ә және 0в даярлық топ оқушылары Саттарова Гульнара Айнуровнаның жетекшілігімен «Атамекен өнер ордасында» кескіндемеші, сюрреалист Нұртай Жәрдемовтың шығармашылық көрмесін тамашалауға барды. 

https://instagram.com/p/DHv6EYEoO6x/

2025 жылғы 27 наурыз күні көктемгі каникул кезінде эстетикалық бағыттағы гимназияның көркемөнер бөлімінің 0б және 2а сынып оқушылары суретші Нұртай Жәрдемовтің жеке шығармашылық көрмесіне барды. Н. Жәрдемов — қиялға толы ерекше туындыларымен танылған сюрреалист-суретші. Көрмеде оның 80-ге жуық кескіндемелік жұмыстары қойылып, әрқайсысы терең философиялық оймен, метафоралық бейнелермен ерекшеленді. Оқушылар көрмені үлкен қызығушылықпен тамашалап, суреттердің мазмұны мен көркемдік тәсілдері туралы өзара пікір алмасып, шығармашылық тұрғыдан ой өрістерін кеңейтті. Бұл көрме оқушылар үшін эстетикалық талғамдарын дамытуға, өнер арқылы дүниетанымдарын арттыруға мол мүмкіндік берді. Іс-шара жоғары деңгейде ұйымдастырылып, оқушылар мен мұғалімдер үшін әсерлі әрі мазмұнды кездесу болды.

Іс-шараны ұйымдастырушылар: Кажгалиева Н.С., Качурина С.Н.

https://www.instagram.com/reel/DHv4pnzowql/?igsh=MWJ1djA1amFtbHdqMg==

2025 жылғы 28 наурыз күні Көркемсурет бөлімінің мұғалімдері Хихлухина Елена Владимировна мен Ижанова Айслу Кабиевна Көркемсурет бөлімінің 3 және 4 — сынып оқушыларымен бірге Қалалық мәдениет және демалыс саябағына пленэрге шықты. Шығармашылық іс-шараның мақсаты – табиғатты бақылау арқылы оқушылардың көркемдік ойлау қабілеттерін дамыту, түстерді сезіну, табиғат көрінісін бейнелеу шеберліктерін арттыру болды. Балалар табиғаттан және көктемгі көңіл-күйден шабыттанып, бірнеше этюдті акварельмен орындады. Пейзаждың әрбір көрінісін өзінше қабылдап, қағаз бетіне шынайы әсермен түсіре білді. Сабақ барысында балалар тек сурет салып қана қоймай, бір-бірімен шығармашылықпен бөлісіп, пікір алмасып, табиғатқа деген сүйіспеншіліктерін арттыра түсті. Уақытты керемет өткізіп, жағымды энергиямен қуаттанды. Оқушылар үшін бұл күн есте қаларлық шығармашылық тәжірибе болды.