✨ Дарындылардың жеңісі – ортақ мақтаныш! ✨

20.05.2026 ж. эстетикалық бағыттағы гимназияда 2025-2026 оқу жылында қалалық, облыстық, республикалық байқаулар мен олимпиадаларға, ғылыми жобалар мен зияткерлік шараларға, өнер сайыстары мен спорттық жарыстарға қатысып, жүлделі орындарға ие болған гимназистерді марапаттауға арналған дәстүрлі «Жұлдыздар шеруі – 2026» салтанатты шарасы оздырылды.
Оқу жылының қорытындысы бойынша жеңімпаз оқушыларымызға шақырулы қонақтар қатарында болған эстетикалық бағыттағы гимназияның Қамқоршылық кеңес мүшесі, белсенді ата-аналар, кәсіпкерлер мен меценаттар «Жас ғалым», «Зерделі жас», «Зерек шәкірт», «Үздік лингвист», «Үздік шебер», «Спорт саңлағы» мен «Көшбасшы гимназист» номинациялары бойынша гимназия директорының дипломы мен естелік сыйлықтарды табыстады.
Гимназия директорының оқу ісі жөніндегі орынбасары Э.Кусанова жеңімпаз оқушыларды дайындаған ұстаздарға, олардың ата-аналарына ризашылығын айтып, келген қонақтарға алғыс білдірді.
Білім мен өнерді, талант пен талапты, еңбек пен жеңісті тоғыстырған жеңімпаз шәкірттеріміздің жоғары жетістіктері гимназиямыздың беделін арттырып, жаңа белестерге ұмтылуға серпін берді.
Жас өрендеріміздің алар асуы биік, бағындырар белесі көп болсын!