
🌍 Эстетикалық бағыттағы гимназия — жаңа деңгейге қадам! ✨
15.05.2026👨👩👧👦 15 мамыр – Халықаралық отбасы күніне орай эстетикалық бағыттағы гимназияда ата-аналарға арналған «Махаббат ұялаған мекен» атты ашық есік күні ұйымдастырылды. Шараның басты мақсаты — мектеп пен отбасы арасындағы байланысты нығайтып, ортақ тәрбие кеңістігін қалыптастыру. ✨
🌿 Іс-шара барысында ата-аналар білім ордасының тыныс-тіршілігімен танысып, мектеп парламенті жұмысына куә болды. Сонымен қатар, көрме алаңдарын аралап, оқушылардың шығармашылық жетістіктерін тамашалады. Эко-гимназия жобалары, кітапхана жұмысы, шеберлік сабақтары мен эксперименттік алаңдар ерекше қызығушылық тудырды. 📚🎨🔬
🤝 Ашық диалог алаңында ата-аналар өз ой-пікірлерін ортаға салып, ұсыныстарын білдірді. Медиация жұмысы мен кері байланыс алаңы арқылы мектептің дамуына үлес қосуға белсенділік танытты. 💬💡
🌸 Осындай тағылымды кездесулер отбасы мен мектеп арасындағы сенімді арттырып, бала тәрбиесіндегі бірлікті бекемдей түседі. Себебі сүйіспеншілік пен тәрбие ұялаған мекен – әрдайым жарқын болашақтың бастауы. 💕🌱




