Бүлдіршіндер қайырымдылыққа үлес қосты

Бүлдіршіндер қайырымдылыққа үлес қосты

1 ақпан күні мектебіміздің 2 “а” сынып оқушылары қалалық Оқушылар сарайы @os_oral07 ұйымдастырған “Бөбекке — жөргек” қайырымдылық акциясына атсалысты. Акция мақсаты: әр бала жүрегіне мейірімділік, қайырылымдылық, жанашырлық қасиетін ұялату. Шара барысында бүлдіршіндердің әрқайсысы 1-2 данадан жөргектер апарып, қайырымдылық үстеліне қойды. Ұйымдастырушылар бұл жөргектердің барлығы “Мейірім” облыстық мамандандырылған бөбектер үйіне жеткізілетін айтып, оқушыларға шексіз ризашылық, ақ тілектерін арнады. Әр бала бақытты балалық шаққа лайық! Оған үлес қосу — үлкен мен кішіге ортақ міндет. Құндылықтарға негізделген білім беруде мұндай тәрбиелік шараның маңызы зор. Өйткені бүгінгі бүлдіршін — ертеңгі қайырымды, мейірімді қоғамның негізін қалаушы.

Ұйымдастырушы: сынып жетекшісі Г.М.Касмуханова, сынып аналары.