16 желтоқсан Тәуелсіздік күніне арналған “Жеңісімізді тәуелсіздікке арнаймын” атты шара Жетекшілер: Хайрушева Д.М. Негметов М.Ж.
15.12.2023
«Достық» клубының ұйымдастыруымен «Әлем таныған жерлестер» шарасы оздырылды.
15.12.2023
✅ Орал қалалық бастауыш озат тәжірибелі ұстаздар мектебінің жоспарына сәйкес, 14 желтоқсан күні Эстетикалық бағыттағы гимназиясында “Интербелсенді әдістерді қолдану арқылы функционалдық сауаттылықты арттыру” тақырыбында семинар өтті.
Семинарға “Озат тәжірибелі ұстаздар мектебінің” жетекшісі Жанар Ерболатқызы мен бастауыш озат тәжірибелі мұғалімдер қатысты.
Семинардың мақсаты — оқыту мен оқудағы бағдарламаның
негізгі ұғымдарына сай сабақта
қолдануға болатын интербелсенді әдіс-тәсілдермен
таныстырып, іс-тәжірибе бөлісу.
Семинар бағдарламасына сәйкес гимназия директоры А.З.Кайржанова сөз сөйлеп, бастауыш сынып бірлестік жетекшісі А.Есіркепова өткізілетін жұмыс барысымен таныстырды. “Көршіңе уақыт бөл” тренингімен жалғап жағымды көңіл-күй сыйлады және қатысушыларды топтарға бөлді.
Семинар барысында бастауыш сынып мұғалімдері “Сабақ TIME” бөлімінен
Г.Касмуханова математика пәні бойынша “Басқатырғыштар мен ребустар”, А.Мырзахметова әліппе пәні бойынша “В дыбысы мен әрпі”, қазақ тілі пәні бойынша Ж.Нурашева “Сөйлемдегі сөздердің байланысы”, Ж.Байзенова мен М.Ахтаров “Қос сөздер” тақырыбында ашық сабақтар өткізді. Айта кететіні 4-сыныпқа Ж.Байзенова мен М.Ахтаров “Қос сөздер” тақырыбында кіріктірілген сабақ өткізді. Ұстаздар сабақтарында тиімді әдіс-тәсілдерді, ұлттық құндылықтардың үлгілерін көрсете білді.
“Нәтижелі сабаққа тиімді әдіс-тәсіл” тақырыбында А.Рахметова мен Ж.Балгабаева шебер-сыныптарды өткізді. Ойландыра отырып өз тәжірибелерімен, тиімді әдіс-тәсілдерімен бөлісті.
“Дәстүрден тыс кері байланыс” аясында А.Тулеушова әр топқа тапсырма беріп, сол тапсырма арқылы кері байланыс орнатты. Әр топқа әр түрлі заттармен сурет салу тапсырмасы берілді. Мысалы, мақта таяқшасы немесе жеңіл губкамен, саусақ арқылы сурет салу.
Бағдарлама соңында А.Есіркепова гимназияның тәжірибелі ұстаздарының жетістіктерін STORIES AR бағдарламасы арқылы көрсете білді.
Семинарға қатысушы мұғалімдер кері байланысында интербелсенді, тиімді әдіс-тәсілдер көрсетілген сабақтар мен іс-шараның жоғары деңгейде өткенін, өз тәжірибелеріне алатынын тиек етіп алғыстарын білдірді.
