“Білімге ұмтылу,еңбексүйгіштік және отаншылдық” атты сынып сағаттары жоспарланған болатын

Кеше ғана өткен 1-қыркүйек білім күні барлық білім беру мекемелерінде “Білімге ұмтылу,еңбексүйгіштік және отаншылдық” атты сынып сағаттары жоспарланған болатын. Гимназиямыздың 5 “г” сыныбының кураторы Ақжүніс Жандарбекқызы жаңа бастауыш сыныптан түлеп ұшқан бесінші сынып оқушыларымен таныса отырып, ерекше сынып сағатын өткізді. “Ең бірінші сынып сағатым балаларымның есте қалары сөзсіз,сондықтан барынша пайдалы етіп өткіземін” деген кураторы оқушыларына қоғамдық көліктерде өздерін қалай ұстау керектігін түсіндіріп, соңғы кездері үлкен мәселеге айналып жүрген “үлкенге орын беру” ұстанымын нөмірі 22 автобус ішінде кеңінен айтып, тәжірибе жүзінде көрсетті. Шабыттанған балалар автобусқа үлкен кісі кірісімен-ақ ұшып түрегеліп, орын берді.
— «Сыйластық», «құрмет», “адамгершілік” сияқты құндылықтар туралы түсініктерін кеңейту және үлкендер мен кішілер арасындағы сыйластықты дамыту мақсатында ұйымдастырылған шара алдағы уақытта оқушыларға азық болар тәлім-тәрбие болары сөзсіз, — деді куратор сөз соңында. @oral_bilim @bqobilimnews