Білім беру мекемесінің толық атауы: «Батыс Қазақстан облысы әкімдігі білім басқармасының Орал қаласы білім беру бөлімінің «Эстетикалық бағыттағы гимназиясы» шаруашылық жүргізу құқығындағы мемлекеттік коммуналдық кәсіпорны.
БСН 990840002079 заңды тұлғаны мемлекеттік қайта тіркеу туралы куәлігі 2022 жылдың 21 қарашасында берілген. Алғашқы мемлекеттік тіркелген күні 1995 жыл 05 тамыз.
Заңды мекен-жайы: 090014, Қазақстан Республикасы, Батыс Қазақстан облысы, Орал қаласы, Самал көшесі 74 құрылыс. Электрондық мекен-жайы: Shgen_uralsk@mail.kz
Білім беру қызметі ҚР «Білім туралы» заңына, ҚР бастауыш, негізгі және жалпы орта білім берудің нормативті құжаттарына, ҚР БжҒМ нұсқаулық хаттары мен бұйрықтарына, ҚР орта жалпы білім берудің бағдарламаларын жүзеге асыратын білім беру ұйымдары қызметінің типтік Ережелеріне, мекеменің Жарғысына сәйкес жүзеге асырылады.
Жалпы негізгі білім беру қызметімен айналысуға құқық беретін мемлекеттік лицензия: 09 желтоқсан 2022 жылғы №KZ74LAA00032916, мерзімі–шектелмеген (көшірме қосымша ұсынылады).
«Эстетикалық бағыттағы гимназиясы» ШЖҚ МКК-ның мектепішілік тәртіп ережелері «Білім туралы» Заң, Жарғы және басқа да азаматтық қатынастарды реттейтін нормативті құқықтық құжаттар негізінде құрылған.
Гимназия директоры Кайржанова Алия Зулкарнойовна 2018 жылы 04 желтоқсандағы Орал қалалық білім беру бөлімінің №89§1 бұйрығымен мекеменің директоры қызметіне тағайындалса, 2022 жылдың 24 қарашадағы №180§1 бұйрығымен қайта тағайындалды.
Мектеп-гимназия, Мемлекеттік аттестаттаудан соңғы рет 2012-2013 оқу жылында өтті.
«Білім беру ұйымдарын бағалау өлшемшарттарын бекіту туралы» Қазақстан Республикасының Оқу-ағарту министрінің 2022 жылғы 5 желтоқсандағы №486 бұйрығының 2 тарауының 2 тармақшасына сәйкес білім беру ұйымының 2020-2021, 2021-2022, 2022-2023 оқу жылдары бойынша бағалау өлшемшарттарына сәйкес өзін-өзін бағалауды жүргізді.
Мектеп миссиясы:
«Заманауи білім кеңістігін игерген және жалпыадамзаттық құндылықтар незінде қалыптасқан тұлға тәрбиелеу»
Бейнесі:
Заманауи білім мен дағдыларды меңгерген, әлемдік өркениеттің бір бөлігі бола отырып, ұлттық құндылықтарды қадірлейтін, өмірге оң көзқараспен қарайтын, ізгілік пен адамгершілікті ұстанатын тұлға тәрбиелейтін мектеп.
Гимназияның негізгі міндеттері:
Академиялық даму:
Ұлттық білім стандарттарына сай оқу бағдарламаларын жүзеге асыру.
Сыни ойлау, зерттеушілік және жобалық жұмысты дамыту.
Оқушылардың пәндік олимпиадалар мен ғылыми байқауларға қатысуын қолдау.
Шығармашылық және креативті ойлауды дамыту:
Арнайы арт, музыка, театр және басқа да шығармашылық үйірмелер ұйымдастыру.
STEAM (ғылым, технология, инженерия, өнер және математика) бағытындағы жобаларды енгізу.
Цифрлық сауаттылық және технологиялық дағдылар:
Робототехника, бағдарламалау, IT-технологиялар бойынша білім беру.
Оқу процесінде цифрлық құралдар мен интерактивті платформаларды пайдалану.
Рухани-адамгершілік тәрбие:
Оқушыларды жалпыадамзаттық және ұлттық құндылықтарға баулу.
Әдептілік, мейірімділік, адалдық, жауапкершілік сияқты қасиеттерді қалыптастыру.
Мәдениетаралық диалог пен толеранттылықты дамыту.
Эмоционалдық және әлеуметтік дағдылар:
Эмоционалды интеллектті (EQ) дамытуға арналған тренингтер өткізу.
Қауіпсіз және қолдаушы мектеп ортасын құру.
Психологиялық қолдау қызметтерін ұйымдастыру.
Әлеуметтік жауапкершілік пен белсенді азаматтық ұстаным:
Қоғамдық және волонтерлік жобаларға қатысу.
Экологиялық мәдениетті дамыту, қоршаған ортаға қамқорлық көрсетуге баулу.
Көшбасшылық қасиеттер мен өмірлік дағдыларды дамыту:
Оқушыларды дебаттарға, пікірталастарға, көшбасшылық тренингтерге қатыстыру.
Жеке және топтық жобаларды орындау арқылы жауапкершілік пен бастамашылдықты дамыту.
Мектептің стратегиялық мақсаттары:
Білім беру сапасын арттыру:
Ұлттық білім стандарттарына сай оқу бағдарламаларын енгізу.
Сапалы оқу материалдарын, әдістемелер мен құралдарды қолдану.
Оқушылардың ұлттық және халықаралық олимпиадалар мен байқауларда жетістіктерге жетуін қамтамасыз ету.
Инновациялық оқу ортасын құру:
Мектепте заманауи зертханалар, интерактивті сыныптар мен креативті кеңістіктер ашу.
Цифрлық құралдар мен оқыту платформаларын белсенді пайдалану (онлайн ресурстар, виртуалды және толықтырылған шындық технологиялары).
Тұлғаның жан-жақты дамуын қамтамасыз ету:
Шығармашылық, спорттық, зияткерлік клубтар мен үйірмелер желісін дамыту.
Оқушыларды креативті және сыни ойлауға, көшбасшылыққа баулу.
Рухани-адамгершілік және әлеуметтік құндылықтарды дамыту:
Ұлттық мәдениет пен жалпыадамзаттық құндылықтарды насихаттайтын жобалар мен іс-шаралар ұйымдастыру.
Оқушыларды ізгілікке, толеранттылыққа, жауапкершілікке тәрбиелеу.
Мұғалімдердің кәсіби деңгейін арттыру:
Педагогтардың біліктілігін арттыру курстарын, шеберлік сабақтарын ұйымдастыру.
Мұғалімдерді заманауи оқыту әдістемелері мен цифрлық құралдарды меңгеруге ынталандыру.
Оқушылардың эмоционалдық және психологиялық қолдауы:
Психолог, әлеуметтік педагог қызметін күшейту.
Эмоционалды интеллект (EQ) дамыту бағдарламаларын енгізу.
Оқушылар арасында жайлы, қауіпсіз және қолдаушы орта қалыптастыру.
Әлеуметтік серіктестік пен қоғаммен байланыс:
Ата-аналармен тығыз қарым-қатынас орнату, оларды мектеп өміріне тарту.
Жергілікті қауымдастықтармен, жоғары оқу орындарымен, кәсіпорындармен ынтымақтастық орнату.
Экологиялық мәдениет пен тұрақты даму қағидаттарын енгізу:
Эко-жобалар, жасыл бастамалар мен қоршаған ортаны қорғауға арналған іс-шараларды өткізу.
Оқушыларды табиғатты қорғауға, ресурс үнемдеуге үйрету.